Dore impamvu abantu dukwiye Gusaba imbabazi ku bibi twakoze n'impamvu gutanga imbabazi ari byiza | Pacifique BANANEZA

Imbabazi

Mu mezi 9 yambere kugirango abantu tubeho, usanga duhuje ubuzima ndetse n'imibereho muri rusanjye uba usanga ari imwe aho buri wese aba ari munda ya nyina umubyara. umwana uri munda ya mama we aba afite ubushyuhe buringaniye kabone niyo mama we yaba aba mu rubura(ahantu hakonje cyane). Ibi rero biba kuri buri muntu umukire cg umukene, umuzungu cg umwirabura muri rusange ingeri zose z'abatuye isi ubu buzima barabusangira. Cyakora nubwo navuze amezi 9, ntago nirengangije umubare utari muto w'abantu bavukiye amazi 7, ariko ibi  nabyo iyo bijya kubaho nta marangamutima cg ikimenyane gikoreshwa ibi bigarara ku bantu bose muri rusange.

Reka turebe noneho nyuma umuntu amaze kugera ku isi, icyambere nshaka ko twibukiranya ni uko nta muntu n'umwe uhitamo uko azabaho aha ndavuga umuryango uvukiyemo, cg se ngo uhitemo ugomba kukubera mama wawe cg papa wawe. mu isaha ya mbere abantu tumaze kuvuka ubuzima buba bwamaze gutandukana, uvutse mu maboko mazima yafubitswe bihagije ndetse yishimiwe, naho uwavutse mu muryango ukennye aba atangiye kwitegereza isura ya mama we yuzuye agahinda wenda yabuze n'uburyo yishyura ivuriro cg se ibindi byangonbwa nkenerwa kugirango asohoke mu ivuriro. Hari kandi n'abatagira amahirwe yo kuvukira mu ivuriro bitewe n'impamvu zitandukanye. 

Hari n'abatagira amahirwe yo kubonana n'abyeyi babo bitewe nuko wenda mama we yapfuye akimara kubyara. 

Nyuma y'amezi macye impunduka mu mibereho ziba zigaragaza bamwe bafite abakozi babitaho abandi barambitswe mu mirima hafi yaho ababyeyi bari guhinga nizindi ngero nyinshi. Mu buzima bwa muntu umuntu yirwanaho kugirango abeho neza kugera naho umuntu aba y'ikunda we n'icyerekezo cy'ubuzima bwe aribyo yitaho mbere yibindi. mu kinyarwanda baca umugani bati "Iyo amagara aterewe hejuru buri umwe asama aye".

Ibi rero bituma abantu batangira guhemukirana buri umwe arengera amagara ye, aho uha abana babiri umugati ukababwira ati ngaho ni mugabane ukabona hari ushaka gutwara igice kinini kurusha undi. ibyo ntibizagutangaze rwose kuko bishingira ku mpinduka z'ubuzima umuntu agenda abona akigera ku isi. ndakomereza kuri urwo rugero rw'abana babiri. iyo bari gukina umwe akababaza undi byanze bikunze ararakara cg se akanarira bitewe n'uburyo yababaye. ariko iyo amwegeye akamubwira ati mbabarira ashobora guhita amubabarira cg akanga. impamvu yambere ashobora kwanga aba yamaze kwishyiramo ko mugenzi we ari umugome ko wenda yaba yanabikoze abishaka, kuko n'ubundi asanzwe arya n'umugati munini akamuha agato. nibindi bitekerezo umuntu ashobora kugira mbere yuko atanga imbabazi. ariko mu byukuri byose bihera kuri kwaguharanira imibereho y'umuntu kugiti ke kandi bigirwa natwese. iyo umuntu adashoboye kubabarira arihorera. Guhemuka n'ibibi ariko no  kwihorera si byiza ikiruta byose ni ubworoherane. Muri kwa kwirwanaho umuntu wese agira kugirango abeho niho guhemuka guturuka. ubugome bukaganza mu mibereho yacu urwango, ishyari nabyo bikaziraho, ntago waba mu rwango, ishyari n'ibindi nkabyo naguhemukirana kubaho, umuti wabyo rero ni ubworoherane, kubahana, kwihanga byumwihariko kunyurwa.

Reka nsoze mbereka ibyo dukunda gukora mu gusumbanya abantu kandi nta mumaro.

1. Ugasanga umukozi ugukorera umuraza ahantu wita ko ari habi, nyamara burya asinzira neza kukurusha kuko we yamaze kwakira no kwihanganira uwo mwamugizewe.

2. Ese iyo abantu bagenda mu muhanda ushobora kumenya uwaraye neza cg nabi?

3. Iyo uvutsa mugenzi wawe ubuzima utamuhaye uba wumva wowe uzahoraho nk'amasarabwayi?

4. Iyo urya ukima bagenzi bawe uba wumva bo batangira inzara nkiyo ufite.

Icyubahiro ni cyiza turagiharanira ariko burya dore ibyo ugomba kumenya.

1. Iyo imvura iguye umunyacyubahiro anyagirwanwa na rubanda rugufi.

2. Umutingito iyo uje ntago urenga k'urugo rw'umunyacyubahiro kandi burya ngo "ibuye rimeneka urwondo rugisukumwa"

3. Ikindi urupfu ntirutinya abanyacyubahiro.

Umwanzuro wanjye rero ndisabira abatuye isi kugira urukundo, kunyurwa, kwihangana, gusaba ndetse no gutanga imbabazi. 

namwe mubwire uko mubyumva ubundi tuganire!

Pacifique BANANEZA - 0788509426 

banppacific@gmail.com